İslam illäre citäkçeläre Ğiraq suğışına tulısınça qarşı buluları belderde. Bu belderüne alar bügen Qatar başqalası Dohada, İslam illäre Oyışmasınıñ ber könlek oçraşuwında yasadı. Älege belderü Ğiraq yä başqa ber möselman däwläteneñ iminlegenä yanağan xärbi çaralardan totılıp qalırğa çaqıra. İslam illäre Oyışması Ğiraqnıñ BMO inspektorları belän xezmättäşlek itüwenä xuplaw belderde. Häm bu krizisnı Berläşkän Millätlär qısalarında, tınıç yul belän xäl itergä çaqırdı. İslam illäre Oyışmasına 57 däwlät kerä, läkin bügenge utırışta, alarnıñ çirege genä qatnaşa. Berniçä il üz wäkilen cibärmäde.
