Accessibility links

Кайнар хәбәр

Amerika häm Törkiäneñ xärbi yök maşinaları Ğiraqqa taba yul aldı


Könbatış mäglümät çaraları xäbär itüençä, Amerikanıñ xärbi yök töyägän 30-lap maşinası Törkiäneñ İskenderun portınnan Ğiraq çigenä yaqın urnaşqan Mardin şähärenä taba yul alğan. Törkiä televideniese şulay uq, Törkiäneñ 200-läp xärbi maşinasınıñ Ğiraq çigenä taba kitüwen kürsätte. Törkiäneñ General Ştabı monı Törkiäneñ xärbi nığıtmaların yañartu ğämäle dip atadı. Ştabnıñ belderüendä äytelgänçä, süz - çik aşa operatsiälär turında barmıy, bu barı tik iminlek çaraları, künegülär. Uzğan ayda Törkiä parlamentı Amerikan belgeçlärenä yañartu eşläre başlarğa röxsät birgän ide.

Ä menä 62 meñ Amerikan xärbien Törkiädä urnaştıru mäsäläsen Parlametta tağın ber tapqır tawışqa quyğançı, Törek xökümäte Berläşkän Millätlär Oyışması İminlek Şurasınıñ Ğiraq mäsäläsendä qararın kötergä ciena. Bu turıda bügen xakimiättäge Ğädellek häm Täräqqiät partiäse citäkçese Recep Tayyip Erdoğan äytte. Kiçä Törkiäneñ xärbi citäkçese general Hilmi Özkök, armiä Amerikan xärbiläreneñ Törkiädä urnaşuwın xuplıy, çönki, Ğiraqnıñ Körd töbägendä wazğiätne kontroldä totırğa teli, dip äytkän ide. Ğädellek häm Täräqqiät partiäse räsmiläre äytüençä, bu mäsäläne Parlametta qabat tawışqa quyu 3 atnağa suzılığra mömkin. Uzğan atnada Törkiä Parlamentı, xökümätneñ 62 meñ Amerikan xärbien 6 ayğa Törkiädä urnaştıru täqdimen kire qaqqan ide.
XS
SM
MD
LG