Belgrad. Serbiä premyer-ministrı Zoran Djindjic bügen, älegä Berläşkän Millätlär Oyışması idaräsendä bulğan Kosovonı ikegä – serb häm alban öleşlärenä bülü täqdime belän çıqtı. Veçernie Novosti basmasında dönya kürgän äñgämädä ul üzeneñ Kosovonı ike kisäktän torğan federatsiä itep kürergä teläwen belderde, anıñ fikerençä, bu Berläşkän Millätlärneñ Kipr öçen äzerlägän planına nigezlänä ala. Moña ireşü üz eçenä, Djinjic süzlärençä, xalıqnı ädäple formada küçerüne dä alırğa tieş bulaçaq. Kosovodağı şundıy federatsiä Serbiä belän asimmetrik bäyläneşlär qorıp, andağı serblar häm albannar üz tormışın ber-bersennän ayırılğan mäxällälärdä qorırğa tieş dip isäpli serb premyer-ministrı. Zoran Djindjic Kosovonı ikegä bülüne täqdim itkän berençe serb säyäsätçese. Şuşı töbäktä xalıqnıñ zur öleşen albannar täşkil itsä dä, serblar anı üzläreneñ tarixi wä mädäni üzäge itep sanıy.
