Accessibility links

Кайнар хәбәр

Bosniädäge NATO köçläre Radovan Karadzic tarafdarlarına qarşı çaralar kürä


Sarajevo. NATO citäkçelegendäge xalıqara köçlär Bosniädä, 90-nçe yıllardağı suğış waqıtında andağı serblarnı citäklägän häm awır suğış cinayätläre qıluda ğäyeplängän Radovan Karadzicneñ tarafdarlarına qarşı maxsus çaralar kürä başladı. Monıñ maqsatı, alarnıñ Karadzickä yardäm itüwen tuqtatu bulıp tora. Elekke serb citäkçese haman da Bosniäneñ serb öleşendä yäşerenep yata dip farazlana. NATO Totrıqlandıru köçläre, S-For bügenge belderüwendä, şuşı çaralar Pale şähäre tirälärendä alıp barıla dip xäbär itä. Moña qädär Karadzic inde ike märtäbä üzen qulğa alu omtılışınnan qaçıp qotılğan ide. Ul arada Bosniäneñ, cirle häm xalıqara xäkimnärdän torğan keşe xoquqları mäxkämäse, Bosniä serbları xakimiaten Srebrenica wäxşäte öçen 2 millionnan dollardan artıq aqça tüläwen mäcbür itkän qarar qabul itte. 1995-nçe yılnıñ yülendä şuşı wäxşättä Bosniä serbları 7 meñläp möselmannı yuq itkän ide. Şuşı qararında mäxkämä şulay uq, Bosniä eçendä zur möstäqillekkä iä bulğan Republika Srpskadan şul çaqtağı waqiğälär xaqında tögäl mäğlümat birüne dä taläp itä.
XS
SM
MD
LG