Vena. Neft çığaruçı illärne berläştergän OPEC oyışması general’ sekretare Alvaro Silva Calderon, Ğiraqqa qarşı suğış başlanğan oçraqta da ul citäklägän oyışma neft çığaru külämen arttırmayaçaq dip belderde. German matbuğatına Calderon, xäzerge waqıtta ber miçkä neft bäyäseneñ yaqınça 34 dollarğa menuwe, bazarnı çimal belän tä’min itügä berniçek tä bäylänmägän, bu barı tik suğış ixtimalı säbäple tuğan qurqularğa ğına bäyle dip äytte. Anıñ süzlärenä qarağanda, suğış başlanğan oçraqta neftneñ dönya bazarında östämä 6-8 dollarğa qimmäträk buluwı ixtimal. OPECnıñ, suğış çığa qalğan oçraqta, Ğiraqtan xäzerge waqıtta köndä kilä torğan 2 million miçkälek külämne qaplarlıq qına mömkinlekläre bar di Alvaro Silva Calderon.
