Qabul. Äfğanstannıñ tönyağındağı Faryab wilayätendä cirle xärbi başlıqlarnıñ qorallı törkemnäre arasında suğışlar däwam itä. Äfğanstan üzbäkläreneñ mäğlüm citäkçese general Abdulräşit Dostum köçläre häm Atta Möxämmädneñ Cämiat-e-İslami törkemen yaqlawçılar arasında bäreleşlär ike kön elek başlanğan ide. Attanıñ yardämçese Säyed Möxämmäd bügen Reuters agentlığına, bügen däwam itkän suğışlarda berniçä keşe hälak buldı häm yaralandı, 5-se äsir itep alındı dip belderde. Abdulräşid Dostum da, Atta Möxämmäd tä Äfğanstannıñ küçeş çorı prezidentı Xämid Qarzai xakimiaten yaqlıy, läkin Taliban tar-mar itelgännän birle üzara suğış alıp bara.