Accessibility links

Кайнар хәбәр

Qıtay citäkçese britan premyer-ministrına Ğiraqtağı qoral inspeksiäläre däwam itärgä tieş dip belderä


Pekin. Qıtay prezidentı Jiang Zemin bügen britan premyer-ministrı Tony Blairğa, Ğiraqtağı qoral inspeksiäläre däwam itärgä tieş häm alarnı xätta köçäytü kiräk dip belderde. Qıtaydağı mäğlümat çaraları xäbärenä qarağanda, Jiang britan premyerına bu xaqta üzeneñ anıñ belän bulğan telefon söyläşüwendä äytkän, häm şunda uq ul, qoral inspektorlarınıñ uzğan comğada bäyän itelgän soñğı xisabı Ğiraqnı qoralsızlandıru eşendä täräqqiat buluwın kürsätte dip tä beldergän. Qıtaynıñ däwlät televideniäse, prezident Jiang Zemin premyer Blairğa, ägär dä qoral inspeksiäläre däwam itep, alar tağın da köçäytelsä, Ğiraq mäs’äläsen xäl itü maqsatına Berläşkän Millätlär qısalarında da ireşep bulaçağın citkerde dip xäbär itä. Qıtaynıñ tışqı eşlär ministrı da İminlek Şurasınıñ comğa utırışında, Berläşkän Millätlärneñ Ğiraqtağı qoral inspeksiäläre däwam itärgä tieş dip beldergän ide.
XS
SM
MD
LG