Ärmänstan opozitsiäse bügen Üzäk saylaw komissiäse binası aldında, uzğan atna ütkän prezident saylawları näticälärenä protest belderep piket ütkärde. Komissiä näticälärenä qarağanda, saylawlarda 67,5% tawış cıyığan prezident Robert Koçarian ciñep çıqtı. Anıñ köndäşe Stepan Demirçiannıñ – 32,5%. Demirçian bu näticiälärne xärämläşü dip atıy. Anıñ tarafdarları uramda çatırlar qordı, “Stepan Demirçian – xalıq tarafınnan saylanğan prezident” digän şiğärlär elde. Yerevannıñ bu urını politsiä tarafınnan saq astına alındı. İtar-Tass mäglümätenä qarağanda piketta 100-gä yaqın keşe qatnaşa. Bügen opozitsiä wäkilläre General’ prokuraturağa möräcäğät itep, Üzäk saylaw komissiä räise Artak Sarkisian östennän cinäyät eşe açırğa taläp itte.
