OPEC illäreneñ ministrları Ğiraqta başlanırğa mömkin suğışnıñ nef’t bazarına tä’sire turında söyläşü öçen bügen Venağa cıyıldı.
Dönya bazarında neft’ bäyäläre 1990-nçı 91-nçe yıllardağı Farsı qultığı suğışınnan soñğı iñ yuğarı däräcäsenä kütärelde.
Dönyadağı neft’neñ öçtän beren OPEC illäre çığara. OPEC quyğan çikläw nigezendä könenä 24 yarım million barrel’ neft’ kenä çığaru mömkin.
OPEC illäreneñ neft’ ministrları 3 säğät kiñäşläşkännän soñ bu çikläwne ğämäldä qaldırırğa dip kileşte.
Söğüd Ğärabstanınıñ neft’ ministrı Ali Än-Naimi Ğiraq suğışı başlanğan oçraqta da neft’ citärlek bularçaq dide.
