Accessibility links

Кайнар хәбәр

Baltaçta awıl-xucalığında 2002 yıl yomğaqlarına bağışlanğan kiñäşmä uzdı


Berläşterelgän mäğlümat bazasınıñ, elemtä infrastrukturasınıñ häm İnternet texnologiälärneñ kiräklegen sişämbe könne respublika citäkçeläreneñ kübesenä üz cilkälärendä tatırğa turı kilde. Sişämbe könne Baltaç rayonında respublika awıl xucalığınıñ 2002 yıl yomğaqlarına bağışlanğan seminar-kiñäşmä ütte. Älege kiñäşmädä prezident, premyer-ministr, barlıq ministrlıqlar, däwlät oyışmaları citäkçeläre qatnaşa. Ğäyre räsmi çığanaqlardan belengänçä, Qazanda şähär däräcäsendäge türälär qalğan. Şuña kürä sişämbe könne respublika belän Baltaçtan torıp idärä itärgä turı kilgän.

Ä inde awıl xucalığı torışına kilgändä, respublika bu ölkädä, äytkändäy, aldınğılar rätendä. Qayda-qayda, Baltaç rayonında inde sovet çorınnan, torğınlıq yıllarınnan birle awıl xucalığın mexanikalaştıru, yaña texnologiälär, yañaça xucalıq itü alımnarın berençe bulıp üzläşterü ğöref-ğadätkä kergän. Şulay da, Baltaçta cirneñ, awıl xucalığınıñ kiläçäge turında bik citdi söyläşü bulır, dip farazlana. Respublika awıl xucalığınıñ küpçelegendä, Baltaçtağı kebek, al da göl bulmawı bilgele. Tatarstan däwlät telekanalnıñ awıl xucalığı ölkäsendä eşläwçe ber korrespondentı inde bu mäsälädä tragikomediä wäzğıätendä qalğan, dilär. Awıl xucalığına bağışlanğan süjet yasarğa digän yöklämä alğaç, ul Tatarstan xaritası yanına bara da, barmağı belän eläkkän urınğa baram di, ikän. Barsa, awıl xucalığı cimerek xäldä, mal-tuarnı qararğa keşe yuq. Awılğa gaz kertelmägän. Berniçä märtäbä şundıy xäl qabatlanğaç, ğäyre räsmi çığanaqlardan belengänçä, ber qayıpsez jurnalistnı efirğa çığudan mäxrüm itkännär ikän. Menä şulay awıl xucalığında wäzğıät qatlawlı häm qarşılıqlı.
XS
SM
MD
LG