Accessibility links

Кайнар хәбәр

Premier Zoran Dcindcisnıñ üterelüennän soñ Serbiä nindi yuldan baraçaq?


Çärşämbedä Serbie premiere Zoran Dcindcisnıñ Belgradtta xökümät binası aldında atıp üterelüe , Dönya citäkçeläreneñ xökem itü häm qayğı urtaqlaşu belderülärenä säbäp bulsa da , äle kön üzägendä torğan in möhim sorau Dcindcisten soñ Serbie nindi yuldan baraçaq?

Zoran Dcindcisnıñ üterelüe , Slobodan Miloşeviç diktaturası waqıtnda Serbieneñ nindi däräcädä cinayät vä rişvätçelekkä birelgän buluın kürsätep tora.2000nçe yılnıñ üktäberendä Miloşeviçnıñ bärep töşerelüennän soñ Dcindcis xakimiätkä kütärelä. Premier bularaq alıp barğan programma Serbiedä bigräk tä millätçelär arasında aña köçle doşmannar qazandırdı. Ul könbatışnıñ Miloşeviç häm berektäşläre qulğa alınıp Haagadağı xalıqara suğış tribunalına tapşırılırğa tieş digän ideanı yaqlap, Miloşeviçnı Haagağa cibärde. . Küp kenä serblar fevral ayında Yugoslavie federatsieseneñ tarqalıp Serbie belän Çernogorie isemle berlekkä äylänüen qabul itä almıy häm monıñ öçen Dcindcisnı ğäyepli. Yugoslav Federatsieneñ tarqaluı anıñ töp politik köndäşe Vojislav Kostunicanıñ xakimiäten yuğaltuına kiterde . Şulayuq ütkän yılnıñ sintäber, Üktäber häm Dikäber ayında ütkärelgän prezident saylaularınıñ näticäläre öçen dä anı ğäyepläüçelär yuq tügel . 3nçe turdan soñ köndeşe Kostunica min artıq saylaularğa qatnaşmım , sistema miña qarşı dip yarıştan çigende. Dcindcis politsiegä Serbiädäge yäşren kümäk qäberleklärne, Kosovoda küpläp üterelgän albannar eşen tikşerergä quştı. Älbättä dälillär Haagada serb säyäsätçeläre, generallärenä qarşı qullanılaçaq. Dcindcis Serbieneñ üzäkläşterelgän iqtisadın reformalarğa tırıştı. Miloşeviç yaqınnarı ,Serbieneñ oyışqan cinayätçe törkemnäre , armie, iminlek xezmätläreneñ qayber bülekçäläreneñ kontrole astında torğan eşlärgä qatnaşu,premierne Serb cämğiäteneñ in bäğersez elementları aldında qaldırdı. Dcindcis ultra millätçelärneñ potensial hedäfe buluın açıqtan açıq söyläp kilde, Ul äle fevral ayında ğına ber üterü tırışlığınnan qotılıp qalğan ide. Dcindcisnıñ üterelüe Serbieneñ Yevropağa integratsiesen genä tügel ä bälkim dä könbatışnıñ töbäktä millätçelek xislären nindi däräcädä kontrol astında totu tırışlıqların da qurqınıç astında qaldıra. Ägär dä Kostunica yañadan xakimiätkä qaytırğa teläsä , millätçelär şulayuq Dcindcis omtılğan reformalarğa qarşı çıqqan törkemnär aña tawış biräçäklär dip kötergä kiräk. Dcindcis ütä serb millätçelären izolatsielärgä tırıştı häm Kosovonıñ statusı turında söyläşülär başlap cibärde. Ämma anıñ üleme bälkim dä Kosovo serb separatisların qıyulandırır häm Bmonıñ aftoritetın zägäfläter.Xäzer töp sorau premierneñ üterelüennän soñ Serbieneñ yäş demokratiäse nindi däräcädä saqlanıp qalaçaq ? Zoran Dcindcis Serbiedä 2001nçe yılnıñ ğıynuar ayınnan birle kommunistik bulmağan xökümät belän citäklägän şäxes ide, Aqyort süzçese Fleischer äytüençä (audio) premier ministır Dcindcis Serbiegä demokratiä kiterü häm Slobodan Miloşeviçnı yustitsiegä tapşırudağı role öçen xäterlänäçäk . Prezident Serbie xalqınıñ qayğısın urtaqlaşa Xabärlärgä qarağanda Dcindcis şimbädä Belgrad ziratında kümeläçäk.

Färidä Xämit, Praga
XS
SM
MD
LG