Accessibility links

Кайнар хәбәр

Russiä prezidentı Vladimir Putin Ğiraqta AQŞ citäkçelegendä suğış başlaw bik citdi näticälärgä kiterüçe xata bulaçaq dide.


Soñğı atnalarda bu turıda açıq belderü yasamıy torğan Putin suğış xalıqara wäzğiätne totrıqsızlandıraçaq dide. Putin Russiä Ğiraqqa qarşı suğışnı röxsät itüçe BMO İminlek Şurası rezolütsiäse qabul itelügä yul quymayaçaq dip äytte. Kiçä AQŞ prezidentı George Bush Azores utrawlarında Britaniä Premyer-ministrı Tony Blair häm İspaniä Premyer-ministrı Jose Maria Aznar belän oçraşuda Ğiraq krizisın çişü öçen diplomatik tırışlıqlar bügen, yäğni düşämbe tuqtalaçaq digän çikläw quyğan ide. Bügen Fransiä tışqı eşlär ministrı Dominique de Villepin tağın ber märtäbä Fransiäneñ ul rezolütsiä belän kileşmäwen belderde. BMOdağı Britaniä wäkile Jeremy Greenstock Ğiraqqa qarşı köç qullanuğa röxsät birüçe rezolütsiä proyektı tawışqa quyılmayaçaq dide. Älege rezolütsiäne AQŞ, Britaniä häm İspaniä täqdim itkän ide. Greenstock ayırım ilne atap äytmäsä dä, rezolütsiäneñ tawışqa quyılmawın BMO İminlek Şurasındağı ber daimi äğzanıñ aña veto salu mömkinlege belän bäyläp añlattı. Aq Yort äytüençä, Bush sişämbe könne Qazan waqıtı belän irtänge säğät 4-tä Amerika xalqı aldında çığış yasıyaçaq.
XS
SM
MD
LG