Accessibility links

Кайнар хәбәр

Başqortstandağı saylawlarğa Qazannıñ reaksiäse


Yäkşämbe könne Başqortstanda ütkän parlament saylawları Tatarstanda ällä ni zur qızıqsınu uyatmadı. Çönki kürşe respublikada deputatlar kem bulsa da, Tatarstannıñ üz qayğısı. Şulay da, Başqortstandağı demokratiä häm milli säyäsät Tatarstan tormışında da çağıla. Çönki yış qına Başqortstannıñ qayber rayonnardağı milli üzgäreşlär Tatarstanda yäşäwçe kürenekle Ufa tatarlarınıñ şäxsi tormışına tä'sir itä. İldar Yuzeev, Robert Miñnullin, Salawat, Xäniä Färxi üzlären tatar dip yörgän çaqta, alarnıñ tuğan awılları, qärdäşläre milläten häm telen onıtqan elekke başqort itep iğlan itelgäç, älege bilgele zatlarğa ni eşlärgä qala soñ? Başqortstannan Qazanğa yärdäm sorap, yäki şikäyät yazıp kilüçelär arta bara. Ämma şulay da, Qazanda Başqortstan saylawlarğa ömet bağlawçılarnı Qazanda kürmädek. Monısı da añlaşıla. Mäğlümatlı keşelär Başqortstanda çın, irekle saylaw, real' köndäşlek buluına ışanmıylar. Administrativ resurs digän närsä dä anda, Tatarstanğa qarağanda, berniçä tapqır qalınraq häm köçleräk. Xakimiät yaqlılar 100% parlamentnı yaulap alsa da, Qazanda ğäcäplänmilär. Şuña kürä Başqortstanda berniçä oppozitsiä wäkileneñ parlamentqa kerüe Tatarstan säyäsätçelären ğäcäpländerde. Dimäk, Ufada da parlament mönbärennän keşe häm millät xoquqları turında süzlär yañğırayaçaq ikän.
XS
SM
MD
LG