Rusiäneñ 60-lap tanılğan mädäniät häm fän eşleklese Çeçen suğışın tuqtatıp söyläşülär başlarğa çaqırğan möräcägät belän çıqtı. İlneñ citäkçelärenä möräcäğät itep, alar Çeçnyada zaçistka dip atalğan mäğnäsez ezärlekläw ğämällären tuqtatırğa çaqıra. “Çeçen suğışın bergäläp tuqtatiq” dip atalğan bu möräcägätne bügen Mäskäwdä Rusiäneñ PEN üzäge räise Aleksandr Tkaçenko, televidenie tapşıruları alıp baruçı Viktor Şenderoviç, dramaturg Aleksandr Gelman tarattı. Anıñ şulay uq, şağirä Bella Axmadullina, aktrisa Lia Axedjakova, şaxmatçı Garri Kasparov, yazuçı Vladimir Voynoviç, ekolog Aleksei Yablokov häm başqa zialılar imzalağan. Aprilneñ 12-sendä Mäskäwneñ Puşkin mäydanında şuşı möräcägtne xuplaw maqsatı belän miting oyıştırılaçaq.
Ul arada Çeçen citäkçese Aslan Masxadov Mäskäwneñ Çeçnyağa kiñ avtonimiä birü täqdimen kire qaqtı. Uzğan yäkşämbedä Rusiä prezidentı Putin televienie aşa çığış yasap, Çeçen xalqı 23 Martta ütäçäk referendumda yaña konstitutsiägä xuplaw beldersä, respublika maxsus statusqa iä bulaçaq digän ide. Bügen Masxadov, Çeçennarnıñ İnternet säxifäsendä, Rusiäne Çeçen xalqın mıltıq astında tawış birderü niätendä ğäyepläde.
Ul arada Çeçen citäkçese Aslan Masxadov Mäskäwneñ Çeçnyağa kiñ avtonimiä birü täqdimen kire qaqtı. Uzğan yäkşämbedä Rusiä prezidentı Putin televienie aşa çığış yasap, Çeçen xalqı 23 Martta ütäçäk referendumda yaña konstitutsiägä xuplaw beldersä, respublika maxsus statusqa iä bulaçaq digän ide. Bügen Masxadov, Çeçennarnıñ İnternet säxifäsendä, Rusiäne Çeçen xalqın mıltıq astında tawış birderü niätendä ğäyepläde.
