Böten mäğlümat çaralarınıñ iğtibarı Ğiraqqa yünälgän bulsa da, suğış menä-menä başlana dip kötelsä dä, Tatarstandağı tormış üz çiratı belän däwam itä. Alayda, matbuğat bitlärendä, internetta bu waqiğalarğa mönäsäbät belderelä. İntertat.ru elektron gäziteneñ forumında, mäsälän, ber qullanuçı kötelmägän reaksiä kürsätte.
«Tatarlarnıñ bu suğışqa mönäsäbäte neytral bulırğa tieş»,- di ul. Üzeneñ fikeren ul Säddam Xösäinneñ milli mäsälägä bik kisken qaraşlı säyäsätçelärneñ berse, Vladimir Jirinovskiy belän, dus buluı belän añlata. «Ber nindi taraf almıyça, neyrtal mönäsäbättä bulığız!», - digän çaqırunı işetüçelär bulırmı, yuqmı waqıt qına kürsätä ala. Älegä, suğış başlanuğa qarata räsmi räweştä mönäsäbät belderüçelär yuq.
