Accessibility links

Кайнар хәбәр

Ğıraq suğışına qarata reaksiä


Ğıraq suğışı pentagon aldan beldergäneçä ‘şok häm dähşät’ kampaniese belän tügel ä yaqınça 40 tomahawk raketasınıñ sälämläwe belän başlanıp kitte. Britanie,Avstralia Yaponiä häm Filipin AQŞnıñ aksilären yaplap çıqsa qayber Azie häm Yevropa illäreneñ reaksie tiskäre buldı. Dönyanıñ küp kenä illärendä suğışqa qarşı demonstratsiälär bara .

AQŞ xökümät çığanaqları irtänge säğätlärdä Bagdadqa atılğan raketalar Saddam administratsieseneñ ölkän räsmilären küzdä tottı dip belderde. İrtänge häcümneñ täsirlären bilgeläü qıyın Amerikannnarnıñ uñışınıñ älegäçä berdänber dälile çärşämbedä Kuwait çigendä 17 ğıraqlı ğäskärineñ birelüe buldı. AQŞ başlatqan xärbi kampaniegä qarata global reaksie törle. Awstralia, Yaponie häm Filipin Prezident G.Bushnıñ aldan kisätkäneçä köç qullanu qararın ğämälgä quyuın xuplap çıqtılar. Xalıqnıñ qarşılıq kürsätüenä qaramastan Awstralia premiere John Howard Farsı Qultığındağı köçlärgä 2meñ xärbi künderde. Howard süzlärençä (audio)Awstraliä suğış häm suğışnı yaqlau operatsielärenä başladı.Awstraliä korapları törle illär qatnaşqan köçlärdäge aktivlarına däwam itä , alar suğış operatsielären dä yaqlıy. Howard säyäsätçelär aldında şundıy belderü yasağanda unmeñnärçä awstralialı Sidney, Melborn kebek şähärlärdä suğışqa qarşı cıyınnar ütkärde. Russiä; Qıtay häm Geramnie kebek illär Ğıraqta köç qullanunı xökem itep qızğanıç belderde. Mäskäüdä premier Kasyanow kabinet cıyılışın AQŞnı tänqitläü belän başlap cibärde. W. Putin AQŞnıñ Ğıraq opratsiesen zur politik xata dip taswirladı( audio)häm Russie Ğıraq problemasın BMOsı İminlek Şurası rezolutsieläre nigezendä xäl itü öçen tırışlıq alıp baraçaq dip söyläde . Xärbi operatsiene aqlap bulmıy , operatsie başlanğanda Ğıraq kürşelärenä dä töbäktäge başqa illärgä dä qurqınıç tudırmıy ide dide Russie citäkçese. Qıtaynıñ reaksiese şaqıtıy kisken buldı. Pekingdä tışqı eşlär ministırlığı süzçese Kong Kuan (audio) Ğıraqqa yasalğan bu höcüm küpçelek illär häm dönya xalqınıñ küpçelegeneñ qarşı buluın sanğa suqmıy, şulayuq BMOsı iminlek Şurasın çitlätep ütep BMOsı xartiäse häm xalıqara qanunnın töp normların boza. Bez tirän borçılu belderep, qatnaşqan illärne şunduq xärbi aksielären tuqtatırğa häm Ğıraq mäsäläsenä BMOsı qısalarında politik xäl çarası tabu öçen kire döres suqmaqqa qaytırğa çaqırabız. Bilgele bulğança Russiä belän Qıtay İminlek Şurasınıñ daimi äğzaları Şuranıñ öçençe daimi äğzası Fransiedä prezident J.Chiraq suğış küpme genä däwam itmäsen, monıñ näticäläre qurqınıçlı bulaçaq dip äytep ( audio) Fransie BMOnıñ raslauı bulmıy başlanğan aksiegä qızğanıç belderä.Operatsielär mömkin bulğan qädär tizhäm az yuğaltular tämamlanır häm gumanitar fäçigäğä alıp barmas dip ömed itäbez. Yevropa Berlegeneñ älege citäkçse Gretsie tışqı eşlär ministırı G.Papandreou, ğıraq krizisnıñ xalıqara cämäğätçelek tarafınnan tınıç yullar belän xäl qılına almawına qızğanıç belderde. Ul AQŞ belän Berlek arasındağı zur krizisnı çişü açıq Trans-Atlantik dialogı başlatırğa çaqırdı. Amerikanıñ könçığış häm üzäk yevropadağı berektäşläre Ğıraq operatseilären yaqlıy. Albanie premiere Nano süzlärençä albannar ireklek köräşçeläre repressie asıtnda yäşäwneñ närsä ikänen beläbez. Şunlıqtan Amerikanıñ Ğıraq xalqın irekländerü öçen alıp barğan tırışılqların çın yöräktän yaqlıybız.AQŞ armieseneñ künegülärdän ütkärgän Ğıraq dissientlarına urın birgän Macaristannıñ premiere köç qullanu qotılğısız ide dip äytsä dä, konflikt tizlektä az yuğaltular belän tämamlanır digän ömed belderde. Yaponie premiere Koizumi , Könyaq Korea prezidentı Roh Moo –Hyun , Filipin prezidnetı Arroya AQŞnıñ bugen başlatqan xärbi aksiesen yaqlap çığış yasauçılar arasında ide. Vatikan suğışnı xalıqara qanunğa qarşı dip bäyäläde Vatikan , konflikt öçen zur cawaplılıq Saddam Xösäingä turı kilä dip äytsä dä Quşma Ştatların da tänqitläde. Xökümät citäkçeläre genä tügel Dönyanıñ bik küp şähärlärendä suğışqa qarşı dämonstratsiälär bara. Qaxirädän alıp, Parijğa , Lion Arles, Marsey , İtaliada Rim Turindä, Portugaliä, Marokko, Gretsie, Germanie häm Britanieneñ törle şähärlärendä xalıq suğışqa qarşı cıyınnar ütkärä.

Färidä Xämit, Praga
XS
SM
MD
LG