Accessibility links

Кайнар хәбәр

Dönya cämäğätçelege Ğiraq suğışı başlanuına borçılu belderä


Qıtay bügen Ğiraqqa qarşı xärbi çaralarnı tuqtatırğa çaqırdı häm nizaqnı çişer öçen kire diplomatik çaralarğa qaytırğa öndäde. Tışqı eşlär ministrlığınıñ matbuğat wäkile Kong Quan, Ğiraqqa qarşı suğış xalıqara normalarnı boza, dip belderde. Fransiä, Ğiraqta suğış başlanuına borçıluın belderde. Fransiä tışqı eşlär ministrlığınıñ matbuğat wäkile Francois Rivasseau belerüdä “suğışnı mömkin qadär tizräk beterergä”çaqırdı. Germaniä dä Ğiraq suğışı mäs’äläsendä borçılu belderde. Germaniä tışqı eşlär ministrı Joschka Fischer, Berläşkän Millätlär Oyışması Xartiäse suğışqa qanuni nigez birmi, dide, Ğiraqta humanitar faciğa buldırmasqa çaqırdı. İran tışqı eşlär ministrı Kamal Kharrazi, suğışnı ber närsä belän dä aqlap bulmayaçaq, häm aña qanuni röxsät birelmägän, dide. Dönyanıñ iñ zur möselman däwläte İndoneziäneñ prezidentı Megawati Sukarnoputri, İminlek Şurasın aşığıç utırışqa cıyılırğa çaqırdı. Vatikan bügen Quşma Ştatlarnıñ xärbi höcümnären kisken täñqitläp çıqtı. Vatikan radiosında çığış yasağan kardinal Roberto Tucci, Ğiraq suğışı xalıqara qanunnar qısalarına sıymıy, dide. Waşington, üzeneñ iqtisadi häm xärbi qüäten qullanıp üzen barısınıñ da xakime itep iğlan itte, dide Tucci. Läkin Amerikannarğa qarşı tendensiäne dä Tucci xuplamadı. İoann Paul İkençe yardämçeläre, Rim papası bügen tınıçlıq häm Ğiraq xalqı öçen doğa qıldı, dip xäbär itte.
XS
SM
MD
LG