Törkiä prezidentı Ahmet Necdet Sezer Ğiraq suğışı başlanuına ükeneç belderde. Yarım räsmi Anadolu xäbärlär agentlığı, Sezer süzlären kiterep, Amerika Quşma Ştatlarnıñ bu mäs’älädä üze genä qarar birüe döres tügel, dip belderde.
Sezer Ğiraq krizisın tınıç yullar belän çişüne yaqlap kilde, xärbi çaralar bula qalsa da, aña Beläşkän Millätlär Oyışmasınıñ İminlek Şurası rezolyutsiäsen taläp itte. Bügen Törkiä parlamentı Amerikan xärbi oçqıçlarına Ğiraqqa Törkiä aşa oçırğa röxsät birü-birmäw mäs’äläsen tikşerer öçen cıyıldı. Törkiä premyer-ministrı Recep Tayyip Erdoğan, Amerikan oçqçlarına Törkiädäge xärbi hawa bazaların qullanu häm Törkiädä yağulıq alu röxsäte birelmiäçägen beldergän ide. Läkin iñ soñğı mäğlümatlärgä qarağanda Millät Mäcleseneñ 332 deputatı Törkiäneñ hawa kiñleklären Amerikan ğaskärlärenä birü turındağı qararnı xuplağan, 202se qarşı çıqqan, 1 deputat totılıp qalğan.
