Accessibility links

Ğıraqtağı sonğı wäzğiät


İraq krizisındağı sonğı waqıyğälärgä bezneñ añlatmalar

Bagdad ikençe tön bombalanğanda AQŞ räsmiläre bu äle suğışnıñ berençe fazası ğına , asıl höcümnär kiläçäktä dip yanadı. Saqlanu ministırı Rumsfeld (audio) närsä bulaçaq ul bernindi konfliktınıñ qabatlanuı bulmayaçaq , elek kürelmägän köç vä därääcädä bulaçaq dip kisätte. Bagdadta sonğı säğätlärdä köçle şartlaular işetelä , Ğıraqnıñ oçqıçlarğa qarşı artiläriese cawap utı aça.( audio) Xabärlärgä qarağanda şartlaular Tigris yılğasınıñ könbatışınnnan işetelä. Anda Saddamnıñ ike sarayı häm Ğıraq küzläü oyışmasınıñ başkavartirası urnaşqan. Xabärçelär belderüenä qarağanda AQŞ artileriese könyaq Ğıraqtağı pozitsiälärne utqa tota AQŞ saqlanu ministırı Donald Rumsfeld Pentagonda ütkärgän mätbuğat oçraşuında irtänge höcümda hädäf Ğıraq citäkçelege ide., Saddamnıñ könnäre sanaulı dip belderde. Rumsfeld Ğıraq xärbilärenä koalitsie köçlärenä qarşılıq kürsätmägez dip äytep bolay dide:Kürsätmälärgä buysınıp küpläp üterü qoralların qullanu yäki Ğıraq infrastrukturasın cimerü kebek cinayätlärgä qatnaşuçılar tabılaçaq häm cazalandırılaçaq.Suğış cinayätçeläre xökemgä tartılaçaq min ämer,kürsätmälärgä buysındım digän aqlanular qabul itelmiäçäk . Rumsfeld brifingta bu ber yaqlı aksiä tügel, koalitsiä 91-nçe yılğı belän çağıştırğanda kiñräk, aña küpläp möselman illäre dä qatnaşa dide. Ul Quşma Ştatları xärbiläre neftqa bay möselman ilenä höcüm itä digän tänqitlärne kire qağıp, bu ilgä , dingä qarşı tügel ä rejimğa qarşı suğış dip äytte. Şul arada ştab başlığı general Richard Myers bu konfliktqa ciñel dip qarauçılar yalğışa, suğış qurqınıçlı, yuğaltular bulaçaq dip belderde.AQŞnıñ 3nçe cäyävle batalionı Könyaq Ğıraqtağı hädäflärne utqa tota .Qazan waqıtı belän kiçke 8dä başlağan bu höcüm , kötelgän cir öste höcümeneñ başlanğıçı bulırğa tieş. . General mayor Buford Blound artilerie utı ciröste höcümeneñ başlanuına signal bulaçaq dip äytep quyğan ide. 100dän artıq tup yädräse atılsa da Ğıraq yağı cawap qaytarmadı. Kuweit televidiäse ğıraq ğäskäriläreneñ Basra yaqınında küp kenä neft qoyısına ut törtkänen xabär itte. Ämma Ğıraq neft ministırı bu xabärne kire qaqtı. İran kiñ küläm mäğlümät çaraları AQŞ oçqıçlarınıñ şul tiräne bombalauın belderde. AQŞ xökümäte Törkiäneñ hava territoriäsen AQŞ suğış oçqıçlarına açuı öçen räxmät beldersä dä , elek täğdim itelgän yardäm paketı kire alındı dip äytte . Törkie paralemntı bugen şunı häm üz ğäskärilären Tönyaq Ğıraqqa cibärü turındağı memorandumnı rasladı. Aqyort süzçese A.fleiscehr 30milliard dollarlıq yardäm paketı Ankaranıñ 62 meñ amerikan soldatına könyaq könçığış Törkiedä urınaşuına cawap itep bireläçäk ide , paralament 1nçe martta bu taläpne raslamadı dip söyläde. Törek xärbiläreneñ Tönyaq Ğıraqqa kerüe , kördlär telämägän eş . Amerika bugen terror höcümnärennän qurqıp bik küp illärdäge ilçeläklären yaptı

Färidä xämit. Praga
XS
SM
MD
LG