Rusiä tışqı eşlär ministrı İgor İvanov xalıqara oyışmalarnı Çeçnyanı tözekländerügä üz öleşlären kertergä çaqırdı. Respublikada uzğan referendum ilgä çit il yardämen, ayırım alğanda islam oyışmalarınıñ yardämen kertergä röxsät birä, dide İvanov. Bu turıda mräcäğät berniçä islam oyışmasına şul sanda Ğaräp Ligasına cibärlgän dip xäbär itelde. Rusiäneñ Däwlät Dumasında Çeçnyanı wäkillek itüçe deputat Aslanbek Aslakhanov, yäkşämbe könne uzğan referendum näticäläre şaqqatırğıç buldı, dip belderde. Räsmi sannarğa qarağanda tawış birergä 85 %qa yaqın çeçen xalqı kilgän.
