Accessibility links

Кайнар хәбәр

Quşma Şatatlar belän Rusiä arasında qorallarnı çikläw kileşüeneñ raslanuı kiçekterelergä mömkin


Rusiä tışqı eşlär ministrı İgor İvanov, Amerika belän Rusiä arasındağı qoral kontrol itü turındağı kileşü Rusiä öçen möhim, läkin Ğiraqta barğan suğış kileşüne raslawnı totqarlıy ala, dip belderde. Bügen İvanov bu xaqta Federatsiä Şurası aldında äytte. Tışqı eşlär ministrlığı Däwlät Dumasınıñ Strategik Qoralnı Qısqartu turındağı bu kileşüne raslawı öçen täqdim kertäçäk. Läkin bu eş kiçekterelergä mömkin, çönki Quşma Ştatları Ğiraqta suğış alıp barğanda bu adım psixologik yaqtan urınsız, dide İvanov. Şulay uq, Amerikan citäkçelegenä möräcäğät itep, Rusiä tışqı eşlär ministrı-Mäskäw -Waşington mönäsäbätläreneñ sülpänäyüen ozaqqa suzmasqa çaqırdı. Quşma Ştatlarnıñ Rusiäne Ğiraqqa tıyılğan cihazlar satuında ğayepläwe Rusiä Federatsiä Şurasında da borçılu tudırdı. Bügen İgor İvanov tağın ber tapqır monıñ döreslekkä turı kilmägäne turında belderde. Kiçä Waşingtonda Amerikan däwlät sekretare Colin Powell, İvanovqa, ğayepläwlärneñ böten dälilläre tapşırıldı, dip xäbär itte. Şulay uq, Federatsiä Şurası aldında çığış yasağanda İvanov, Quşma Ştatlarnıñ Ğiraqtağı kampaniäsen-xalıqnı Säddäm xakimiätennän azat itü dip atawı -çınbarlıqtan yıraq, dide.
XS
SM
MD
LG