Amerika Quşma Ştatlarnıñ Süriädäge ilçese Theodore Kattouf, Amerikanıñ atna azağında avtobusqa bomba elägep şartawı näticäsendä Süriä watandaşlarınıñ häläk buluına ükeneç xatın Süriä räsmilärenä tapşırdı.
Yäkşämbe könne 5 süriä qaçağı häläk bulğan häm 10sı yaralanğan ide.
Süriäneñ SANA mäğlümat agentlığı 37 yulçınıñ Ğiraqtan Süriägä alıp barğan avtobusqa yäkşämbe könne amerikan raketası eläkte, dip xäbär itkän ide, faciğa Rutba şähäre yanında, Süriä-Ğiraq çigennän 160 çaqrım yıraqlıqta bulğan ide. Amerikan xärbiläre dä bu xäbärne rasladı.
