Pänceşämbe könne Xalıqara teatr köne belän sänğätqärlärne mädäniät ministrı qotladı. Qotlawda Qazannıñ teatral' şähär buluı şärexlänä. Qazannıñ Kaçalov isemendäge rus teatrınıñ 200 yıllıq tarixı, Yäş tamaşaçılar teatrınıñ 70-yıllıq tarixı bar. Bıyıl Kärim Tinçurin isemendäge drama häm komediä teatrınıñ 70-yıllığı. Ä 2006 yılda Ğäliäskär Kamal isemendäge tatar däwlät akademiä teatrınıñ 100-yıllğı.
Tatarstan cämäğätçelege Xalıqara teatr könendä berençe çiratta tanılğan rejisser Marsel Xaqim ulı Salimcanovnı iskä ala. Anıñ wafatına ber yıl ütte. Wafatı aldınnan ğına anıñ “Teatrnıñ 100-yılığın Qazanıñ 1000-yıllığı belän bergä görlätep ütkäräçäkbez äle” dip äytkän süzlären, soñğı spektakle “Basketbolist” repetitsiälärendä yögerep yörülären bu könnärdä sağınıp iskä alalar. Ğäliäskär Kamal teatrında äle Marsel Salimcanov başlağan eşlär däwam itterelsä dä, ul quyğan spektakllär barsa da, inde anıñ isemen mäñgeläşterü turında süzlär bara. Marsel Salimcanovnıñ 70 yäşenä Qazan däwlät sänğät häm mädäniät universitetınıñ teatr institutına häm Qazannıñ berär uramına anıñ isemen birü farazlana. Şulay uq kiläçäktä anıñ muzeen da buldırırğa telilär. Yaqın arada anıñ turında xatirälär häm anıñ icatına bağışlanğan kitaplar çığaçaq.
Yunıs Ätnäle, Qazan
Tatarstan cämäğätçelege Xalıqara teatr könendä berençe çiratta tanılğan rejisser Marsel Xaqim ulı Salimcanovnı iskä ala. Anıñ wafatına ber yıl ütte. Wafatı aldınnan ğına anıñ “Teatrnıñ 100-yılığın Qazanıñ 1000-yıllığı belän bergä görlätep ütkäräçäkbez äle” dip äytkän süzlären, soñğı spektakle “Basketbolist” repetitsiälärendä yögerep yörülären bu könnärdä sağınıp iskä alalar. Ğäliäskär Kamal teatrında äle Marsel Salimcanov başlağan eşlär däwam itterelsä dä, ul quyğan spektakllär barsa da, inde anıñ isemen mäñgeläşterü turında süzlär bara. Marsel Salimcanovnıñ 70 yäşenä Qazan däwlät sänğät häm mädäniät universitetınıñ teatr institutına häm Qazannıñ berär uramına anıñ isemen birü farazlana. Şulay uq kiläçäktä anıñ muzeen da buldırırğa telilär. Yaqın arada anıñ turında xatirälär häm anıñ icatına bağışlanğan kitaplar çığaçaq.
Yunıs Ätnäle, Qazan
