İran xökümäte süzçese Abdulla Ramazanzadi, Ğiraqtağı İslam İnqilabı Yuğarı Şurasınıñ qorallı qanatı bulğan Badr Brigadaları tulısınça bäysez eş itä häm İrannan yardäm almıy dip belderde.
Kiçä AQŞ saqlanu ministrı İrannı Ğiraqtağı suğışqa tıqşınmasqa dip kisätkän ide. Rumsfeld AQŞnıñ bäreleşlärdän çittä torırğa çaqırularına qaramastan İran xakimiätläre İrandağı suğışçılarnıñ Ğiraqqa kitüenä röxsät birgän dide.
Rumsfeld AQŞ citäkçelegendäge suğışqa tıqşınuçı ul köçlär suğışta qatnaşuçı bularaq bäyälänergä tieş bulaçaq dip belderde.
Bügen Ğiraqta İslam İnqilabı Yuğarı Şurası citäkçese Möhsin Xäkim dä Badr Brigadalarınıñ İrannan yardäm aluı yäki anda künegülär ütüe turındağı xäbärlärne kire qaqtı.
Xäkim bu törkem Ğiraq ullarınnan oyıştırıldı häm anıñ äğzaları inde 20 yıldan artıq Säddam Xösäin xakimiätenä qarşı köräşep kilä dide.
