Accessibility links

Кайнар хәбәр

Dönyanıñ törle illärendä suğışqa qarşı demonatratsiälär tınmıy.


Bügen Germaniäneñ Ştutgard şähärendä Quşma Ştatlar armiäseneñ Yewropadağı İdaräse üzägen meñnärçä keşe çolğap aldı. Alar qulğa-qul totışıp İdarä üzäge tiräsendä 5 çaqrım ozınlıqtağı tere çılbır xasil itte. Frankfurtta AQŞ xärbi hawa bazası yanındağı Zeppelinhaym timer yul stansiändä meñläp keşe cıyılıp “Armiä qaytıp kit” dip qıçqırdı. Gretsiä başqalası Afindağı demonstratsiädä meñnärçä keşe “bez suğışnı tuqtataçaqbız” dip qıçqırdı. Demonstratsiäçelärneñ qayberläre AQŞ ilçelegenä taba barğanda yulda oçrağan McDonald’s aşxanäläre tärzälärenä qızıl buyaw sipte. Könyaq Koreada suğışqa qarşı çıqqan 2 meñläp demonstatsiäçe AQŞ älämen yandırdı. Alar AQŞ ilçegenä taba barğanda politsiä belän bäreleşep aldı. Vietnam başqalası Hanoyda AQŞ ilçelege qarşında 150-läp student suğışqa qarşı buluların belderde. Könyaq Afrika Respublikasındağı Keyp-Tawnda meñnärçä keşe AQŞ konsullığı qarşında demonstatsiädä AQŞ älämnären yandırdı, Amerikağa qarşı şiğarlär qıçqırdı.
XS
SM
MD
LG