Şul uq şimbä könne küp kenä säyäsätçelärneñ ayaqları Qazan üzägendäge “Säfär” qunaqxänäsenä atladı. Anda “Liberal' Rusiä” firqäseneñ konferensiäsendä İdel buyı okrugındağı xalıqlarnıñ milli problemaları tikşerelde. Zur häm täfsille çığış yasağan Fändäs Safiullin, Damir İsxakov, Rafael' Möxämmätdinov şulay uq Çuwaş, Mari, Başqortstan respublikaları wäkilläre bügenge milli wäzğıätne kisken tänqitläp çıqtılar.
Bu konferensiäneñ iñ qızğan waqıtında diwarda Boris Berezovskiynıñ räseme kürende. Turıdan-turı elemtä waqıtında Londonnan tup-turı Qazanğa İnternet aşa möräcäğät itkän Berezovskiy fikerdäşlärneñ sorawlarına cawap birde. Ğiraqtağı suğışnı ul yaqlamıy, Amerikanı kisken ğäyepli. Xäzer anıñ abruyı distälärçä yıllarğa asqa tägäräde, dip belderde ul.
Şul uq minutlarda Qazan üzägendä miting ütkärelgän ide. Anda tatar ictimaği oyışmaları, kommunistlar häm Ğiraqtan kilep Qazanda yäşäwçelär qatnaştı. Barısı da Amerikanı kisken tänqitläde, möselmannarnı qızğandı. Şunlıqtan, Berezovskiynıñ pozitsiäse berkemne dä ğäcäpländermäde.
“Azatlıq” radiosınıñ xäbärçese Berezovskiyğa “Xäzer federal' üzäk Rusiäneñ milli säyäsätenä üzgäreşlär kertü öçen täqdimnär cıya, bu Vladimir Putinnıñ Qazanğa kilep kitkännän soñ quşqan kürsätmäse belän eşlänä. Sez bu xaqta beläsezme, üzegez bu konsepsiäne niçek üzgärter idegez?” dip soradı. Cawap kisken buldı. Ul Rusiä citäkçelege imitatsiä häm blef belän şöğellänä, dide. Yäğni, Berezovskiy Putinnıñ milli säyäsätne yaxşı yaqqa üzgärtüenä ışanmıy.
Mäskäwdä ütkän qorıltay Rusiädä berpartiälelek kire qayta digän şöphäne köçäytsä, Qazanda ütkän konferensiä küpfikerlelek qalırğa mömkinlegen kürsätä. Döres, mäğlümat çaraları “Berdäm Rusiä” turında tırışa-tırışa bulsa da, üzläreneñ sülpän xuplawların belderde. Ä “Säfär” otelendä bulğan London belän elemtä xaqında bik cäyelep söylämäde. Bu inde Berezovskiynıñ çınnan da Däwlät Duması saylawında üz firqäse belän qatnaşıp, mandat öçen köräşergä cıyınuın kürsätä. Qüätlänep kilgän Ayu firqäse Londondağı usal telle tänqitçegä Rusiä elektoratın qotırtırğa yul quymas kebek.
Rimzil Wäli, Qazan
Bu konferensiäneñ iñ qızğan waqıtında diwarda Boris Berezovskiynıñ räseme kürende. Turıdan-turı elemtä waqıtında Londonnan tup-turı Qazanğa İnternet aşa möräcäğät itkän Berezovskiy fikerdäşlärneñ sorawlarına cawap birde. Ğiraqtağı suğışnı ul yaqlamıy, Amerikanı kisken ğäyepli. Xäzer anıñ abruyı distälärçä yıllarğa asqa tägäräde, dip belderde ul.
Şul uq minutlarda Qazan üzägendä miting ütkärelgän ide. Anda tatar ictimaği oyışmaları, kommunistlar häm Ğiraqtan kilep Qazanda yäşäwçelär qatnaştı. Barısı da Amerikanı kisken tänqitläde, möselmannarnı qızğandı. Şunlıqtan, Berezovskiynıñ pozitsiäse berkemne dä ğäcäpländermäde.
“Azatlıq” radiosınıñ xäbärçese Berezovskiyğa “Xäzer federal' üzäk Rusiäneñ milli säyäsätenä üzgäreşlär kertü öçen täqdimnär cıya, bu Vladimir Putinnıñ Qazanğa kilep kitkännän soñ quşqan kürsätmäse belän eşlänä. Sez bu xaqta beläsezme, üzegez bu konsepsiäne niçek üzgärter idegez?” dip soradı. Cawap kisken buldı. Ul Rusiä citäkçelege imitatsiä häm blef belän şöğellänä, dide. Yäğni, Berezovskiy Putinnıñ milli säyäsätne yaxşı yaqqa üzgärtüenä ışanmıy.
Mäskäwdä ütkän qorıltay Rusiädä berpartiälelek kire qayta digän şöphäne köçäytsä, Qazanda ütkän konferensiä küpfikerlelek qalırğa mömkinlegen kürsätä. Döres, mäğlümat çaraları “Berdäm Rusiä” turında tırışa-tırışa bulsa da, üzläreneñ sülpän xuplawların belderde. Ä “Säfär” otelendä bulğan London belän elemtä xaqında bik cäyelep söylämäde. Bu inde Berezovskiynıñ çınnan da Däwlät Duması saylawında üz firqäse belän qatnaşıp, mandat öçen köräşergä cıyınuın kürsätä. Qüätlänep kilgän Ayu firqäse Londondağı usal telle tänqitçegä Rusiä elektoratın qotırtırğa yul quymas kebek.
Rimzil Wäli, Qazan
