Könyaq Korea parlamentı bügen Ğiraqta Amerikan ğaskärläre citäkçelegendäge koalitsiägä xärbu bulmağan 700 keşene cibärüne küpşelek tawış belän xupladı. Älege mäs’älädä tawış birü ike tapqır kiçekterelgän ide, moña Könyaq Koreanıñ Ğiraq suğışına qarşı çığuı säbäp buldı.
Prezident Roh Moo Hyun, Amerika Quşma Ştatlarğa Ğiraqta yardäm itü-Tönyaq Koreanıñ atom qoralı tiräsendäge nizaqnı çişügä taba da adım bulaçaq, dide.
“Awır zamannarda Quşma Ştatlarğa yardäm itü häm Amerika belän Könyaq Korea arasında dustanä mönäsäbätne saqlaw-Tönyaq Koreanıñ atom qoralı mäs’äläsen dä tınıç yullar belän çişügä yardäm itäçäk, digän näticä yasadım, dide Könyaq Korea prezidentı. Könyaq Korea Ğiraqqa 600 injener häm 100 tabip cibärä.
