Berläşkän Millätlär Oyışmasınıñ Balalar Fondı UNİCEF mäğlümatlärenä qarağanda bügen Kuwaittan Ğiraqqa 10 yök maşinası su kilgän. 37 meñ litr eçär sunı häm medetsina kiräk-yaralaqların Basranıñ könyağında Safwan, Zubayr häm Abul Khasib şähärlärendä taratqannar.
İke atna çaması elek koalitsiä köçläreneñ hawa höcümnäre arqasında biredä su tä’minatı özelgän ide. Xalıqara Qızıl Xac komitetı xezmätkärläre uzğan atnada su sistemaların öleşçä tözätte.
