Fransiä, Germaniä häm Rusiä tışqı eşlär ministrları bügen Parij’da oçraştı. Fransiä häm Rusiä ministrları, Dominique de Villepin häm İgor İvanov, xäzer berençe çiratta Ğiraq suğışın tuqtatu turında uylarğa kiräk, dip belderde. Ğiraqta alıp barılğan suğışqa qarşı çıqqan 3 däwlät wäkilläre Ğiraqqa humanitar faciğa yanıy, dip anıñ belän eş itü wäkälätlären Berläşkän Millätlär Oyışmasına tapşırırğa çaqırdı.
Germaniä kanslerı Gerhard Schroeder, Amerikan ğaskärläre Ğiraq suğışın ciñäçägenä ışanuın belderde. Germaniä xökümäte häm kansler üze, suğışqa qarşı bulsa da, “här awıllı keşe koalitsiä köçläreneñ tizräk ciñügä ireşep suğış tämamlanuın teli” dide Schroeder.
