Amerikan ğaskärläre häm tankları başqalağa ütep kerep prezident saraylarınıñ bersen üz kontrolenä aldı, dip xäbär itelä. Tağın ike sarayğa höcüm yasalğan. Bağdadqa bulğan reid waqıtında amerikan tankları şulay uq Ğiraqnıñ mäğlümat ministrlığın häm Räşid otelen qamap alğan.
Amerikan generalı Vincent Brooks, Qatardağı Üzäk xärbi idarädä matbuğat oçraşuı waqıtında Quşma Ştatları ğaskärläre rejim keşeläre utırğan binalarnı cimerep Bağdadnıñ infrastrukturası häm xalqın saqlap qalu taktikasın qullana, dip belderde. “Bağdadta xakimiät wäkilläre utırğan urınnarğa ikençe höcüm yasağan waqıtta –şähär xalqına häm başqa binalarğa ziyan kitermäskä tırışudan-Säddäm rejimınıñ şähärne tulısınça üz kontrolendä totmawı kürenä”, dide Brooks. Matbuğat oçraşuında şulay uq Ğiraq köçläreneñ xärbi quäte äle dä bar, dielde.
Bezneñ Bağdadtağı xäbärçebez, başqalanıñ tönyaqkönbatışında şartlatqıç tulı maşinasında ber intixar terrorçısı amerikan tankın şartlatırğa tırıştı, dip xäbär itte. Ber amerikan xärbi yaralanğan. Ğiraqnıñ ikençe zur şähäre, Basrada Britan ğaskärläre prezident sarayın üz kontrolenä aldı. Saqlanu ministrı Geoff Hoon, Basrada bulğan bäreleşlär waqıtında “ximik Ali” dip tanılğan Ali Hassan al-Majidnıñ häläk bulğanıñ raslıy almadı. Al-Majid-1988nçe yılda meñlägän kördlärne gaz belän ağulaw turında färman birgän xärbi citäkçe, dip xäbär itelä.
Ğiraq mäğlümat ministrı Möhammäd Saeed As-Sahaf, jurnalistlarğa, Ğiraq ğaskärläre başqalada häm böten şähär alar kontrolendä dip belderde. “Alar (Quşma Ştatlar ğaskärläre) üzlären dä kontrol itä almıylar. Işanmağız alarğa. Basıp aluçılar yuq iteläçäk”, dide Ğiraq mäğlümat ministrı.
Bağdadtan könyaqqa taba urnaşqan Amerikan elemtä üzägenä raketa töşüe näticäsendä bügen 2 amerikan xärbie häm ike jurnalist häläk bulğan, 15 keşe yaralanğan. Xärbi citäkçe major Mike Birmingham, ike keşe qatı cäräxätlär alğan, dip xäbär itte.
Kiçä Bağdadtan Süriä çigenä taba barğan Rusiä diplomatları häm jurnalistlar utırğan maşinalarğa ut açılğaç konvoy Ğiraqta tuqtarğa mäcbür bulğan ide. Bügen alar Süriägä kilep citep Damascustan Mäskäwgä oça. Kiçä atışlarda kimendä 4 keşe yaralanğan ide. Rusiä tışqı eşlär ministrlığı wäkile kiçä Amerikan häm Ğiraq ilçeläre belän oçraşıp Rusiä watandaşlarınıñ iminlege öçen böten çaralarnı kürüne soradı. Ministrlıq şulay uq höcümne tikşerüne häm ğayeple bulğannarğa cäza birüne taläp itte.
Kiçä Bağdadtan Süriä çigenä taba barğan Rusiä diplomatları häm jurnalistlar utırğan maşinalarğa ut açılğaç konvoy Ğiraqta tuqtarğa mäcbür bulğan ide. Bügen alar Süriägä kilep citep Damascustan Mäskäwgä oça. Kiçä atışlarda kimendä 4 keşe yaralanğan ide. Rusiä tışqı eşlär ministrlığı wäkile kiçä Amerikan häm Ğiraq ilçeläre belän oçraşıp Rusiä watandaşlarınıñ iminlege öçen böten çaralarnı kürüne soradı. Ministrlıq şulay uq höcümne tikşerüne häm ğayeple bulğannarğa cäza birüne taläp itte.
