Accessibility links

Кайнар хәбәр

“Suğış häm solıx” radiomarafonında Ğiraq suğışına qarata qapma-qarşı fikerlär äytelde


8 april könne “Волга“ FM-radiosı “Война и мир”, yäğni “Suğış häm solıx” digän radiomarafon ütkärde. Turıdan-turı efirda ütkärelgän tapşıruda Tatarstan säyäsätçeläre, cämäğät eşlekleläre tanılğan jurnalistlar qatnaştı. Marofonnıñ başında uq bu suğışnıñ Amerika tarafınnan xalıqara xoquq normaların häm demokratik prinsiplarnı bozu digän yünäleş birelde. Tapşırunı başlağanda, respublikanıñ äydäp baruçı jurnalistları Yuriy Alaev häm Lyubov' Ageeva bu suğışnı yaqtırtuda da, mäğlümät birüdä dä ğadelsezlek häm qapma qarşılıq buluına iğtibar ittelär. Mänfäğätlärenä qarap ber yaq ber törle söyli, ikençe yaq şuña qapma qarşısın söyli. Şulay uq bu suğışnı “divan suğışına“ äyländerü, yäğni divanğa yatıp qaraw mömkinlege, cämäğätçelekneñ sizemläüen, toyğıların kimetä, bitaraflıq arttıra. Läkin radiomarofonda qatnaşuçı başqa jurnalistlar söyläşüne şul qalıpqa ğına salmadılar. “Московский комсомолец” gäziteneñ säyäsi küzätüçese Lev Ovrutskiy Ğiraq mäsäläsendä dönya cämäğätçelege ikegä bülende dip sanıy.

Audio

Ber öleşe çınnan da Amerikanı ğäyepli, ä ber öleşe Ğiraqta diktator, terroristik rejim urnaştı, şuña kürä bu rejimnı bärep töşerü maqsatı kürelgän çaralarnı aqlıy, dip sanıy. “Bu suğışnı qırğilarça alıp barıla dip sanamıym, - di Ovrutskiy, - bu suğış Yuğoslaviädägeçä tieşle noqtalarğa bärep kenä häm sivil xalıq arasında qotılğısız bulğan yuğaltular belän genä alıp barıla”. Anıñ fikerençä suğış tiz arada häm ike yaqtan da minimal' yuğaltular belän tämamlanır.
XS
SM
MD
LG