Britaniä saqlanu ministrı Jack Straw, Britaniä häm Amerika Quşma Ştatları Ğiraqta demokratik xökümätneñ tözelüen teli läkin bu tiz genä mömkin bulmayaçaq, dip belderde. Straw bu xaqta Parij’da Fransiä tışqı eşlär ministrı Dominique de Villepin belän oçraşqannan soñ äytte. Straw suğışnıñ tizräk betep tözekländerü häm reabilitatsiägä, annan soñ demokratik xökümätkä yul açuın telägänen äytte. “Bez-nizaqnıñ betüen telibez. Şulay uq bez Säddäm Hösäin xökümäteneñ betüen telibez, häm tağın-bu inde xäzer bara da-reabilitatsiä häm tözekländerü eşeneñ başlanuın, Ğiraqta demokratik sistemadağı xökümät tözelüen telibez, dide Straw.
Fransiä tışqı eşlär ministrı De Villepin da, suğışnıñ tizräk betüen teläde häm xalıqara cämäğätçelekne Ğiraqtağı humanitar mäs’älälärne berlektä çişergä çaqırdı. Parijda oçraşuların tämamlap Britaniä tışqı eşlär ministrı Straw bügen Madridqa yul tota. Anda ul İspaniä tışqı säyäsäte başlığı Ana Palaçio belän oçraşaçaq.
