Yevropa Parlamentı bügen ber tawıştan Berlekneñ kiñäyüen xuplap tawış birde. Namzätlärneñ 10sı da-Kipr, Çexiä, Estoniä, Macarstan, Latvia, Litva, Malta, Polşa, Slovakiä häm Sloveniä parlamentnıñ yaqlawın qazandı.
Tawış birüneñ näticälären iğlan itep parlament prezidentı Pat Cox, berlekkä kiñäyergä waqıt citte, dip belderde. “Böten äğzaläreneñ bügen namzätlär öçen tawış birüläre ğadi häm açıqça, berlekkä kiñäyergä waqıt kilep citüne añlata”, dide Cox.
Xäzer Yevropa Berlegenä kergän 15 däwlätneñ parlamentları da kiñäyüne xuplarğa tieş. Här namzät illärdä şulay uq-Berlekkä kerü turında referndum uzırğa tieş. Malta häm Sloveniä xalıqları Berlekkä kerü öçen tawış birde inde, kiläse şimbä könne şundıy referendum Macarstanda uzaçaq. Çexiä premyer-ministrı urınbasarı Petr Mareş, Çexiä tarixınıñ ber çorı tämamlandı, yañası başlandı, dip belderde.
