Accessibility links

Кайнар хәбәр

Sverdlaw ölkäsenä tatar tele uqıtuçıları citmi


Tatarstannıñ Sverdlaw ölkäsendäge daimi wäkile urınbasarı Xäydär Ğilfanov belän tatar telen uqıtu qıyınlıqları, möğälimnärne äzerläw häm ölkädäge xällär turında äñgämä belän tanışırğa täqdim itäbez. Xäydär Ğilfanov Qazanğa gubernator Eduard Rosselneñ räsmi säfären oyıştıru eşläre belän kilgän. Ul anıñ säfärenä milli tösmer birü öçen tırışa:

Maxsus seminar ütä ikän Qazanda. Sverdlaw ölkäsendä Krasnoufim pedagogiä kolliätendä dä milli bülek bar. Anda İldus Xucin uqıta. Läkin minem belüemçä, ul bu çara turında belmi qaldı. Ğomumän alğanda andıy büleklärne açu bik izge närsä. Ämma eşkä kilep terälgäç, xällärneñ bik awır ikäne kürenä. Sverdlaw ölkäseneñ pedagogiä kölliyätendä andıy bülek 1 yıl elek yabıldı. Çönki anda uquçı yuq. Krasnoufimda da xällär möşkel. Çönki balalar 9nçı sıynıfta tatarça uqunı tuqtata. 10-11 sıynıflarda alar telne onıta başlıy häm başqa mänfäğätlär dä ciñäder. Xäzer kolliätkä 9nçı klasstan alıp, anda 4 yıl uqıtu turında söyläşülär alıp barıla.

Bezdä tatar tele uqıtuçılarına moxtaclıq zur. Qayber cirlärdä tatar tele uqıtuçıları bulmağanğa kürä dä tatar klassları yabıla bara. Bezneñ Tatarstanğa zur üteneçebez bar. Qazan yuğarı uqu yortlarında bezneñ töbäkkä kvota birsen ide. Başqortstan mäsälän şulay eşli.


Bikä Timerova, Qazan
XS
SM
MD
LG