Kiçä sañğraw balalar internatında çıqqan yanğın näticäsendä häläk bulğan 28 balanı iskä aldılar. Tağın 109 uquçı tän cärähätläre belän xastaxanädä yata. Bu atna başında ğına Saxa Yakutiädä ber mäktäp yanıp 22 bala häläk buldı. Bügen İtar-Tass mäğlümat agentlığı Buryatiädä balalar yortında yanğın çıqqan dip xäbär itte. Anda 13 balanı qotqarğannar. Rusiä Mäğärif ministrı Vladimir Filipov –uzğan berniçä köndä bulğan waqiğalär mäktäplärärdä yanğınğa qarşı çaralarğa kübräk iğtibar birelergä kiräk bulunı kürsätte, dip belderde.
