Bügen Ğiraqnıñ tönyağında Mosul şähären saqlawçı Ğiraq köçläre suğışsız ğına birelgännän soñ şähär AQŞ häm körd köçläre qulına küçte. AQŞ generalı Vincent Brooks äytüençä, Ğiraq armiäseneñ Mosulnı saqlawçı 5-nçe korpusı başlığı atışlarnı tuqtatu turında kileşü imzalağan häm ğiraq soldatları öylärenä qaytıp kitäçäk.
Ğiraqnıñ tönyağındağı AQŞ köçläre şulay uq neft’ qoyıların häm Kirkuk şähäre hawa alanın saqlawğa kereşte. Tönyaqtağı neft’ çığaru üzäge bulğan Kirkuk AQŞ köçläre yardämendä kiçä körlär qulına küçkän ide. Kördlärneñ bu şähärlärne kontrol’gä aluı kürşe Törkiädä kördlär Ğiraqnıñ tönyağında üzläreneñ bäysez däwläten oyıştırırğa mömkim digäm borçılu uyata. Şulay da kördlär bu ike şähärne AQŞ köçläre kontrol’gä alğaç annan kitäçäklären belderde. Xäzer bu şähärlärdä dä Ğiraq başqalasındağı kebek talaw küreneşläre kiñ cäyelde. Kördestan Patriotik Berlege wäkile Bahram Salix bügen berlek citäkçese Cäläl Talabaninıñ färmanı belän tanıştırdı:
AUDİO: Talabani körd köçlärenä şähärdä qanun häm tärtip saqlarğa citärlek amerikan xärbiläre urnaşu belän ük annan kitärgä quştı.
Brooks äytüençä, xäzer koalitsiä köçläre bar iğtibarnı Bağdadtan 175 çaqrımlap tönyaqta urnaşqan, Säddamnıñ tuğan şähäre Tikritqa yünältä. Tikrit xäzer Ğiraq xakimiäteneñ soñğı nığıtması bulıp qaldı diärgä mömkin.
Bügen Xalıqara Qızıl Xaç Kommitetı Bağdadta talawlar, elektr utı häm su bulmaw säbäple sälamätlek saqlaw sisteması tulısınça diärlek cimerelde dip belderde. Komitet wäkile Pascal Jansen äytüençä Başqaladağı 32 xastaxanäneñ 3-sennän qala başqaları bötenläy eşlämi. Komitetnıñ başqa ber wäkile Bağdadtağı wäzğiätne “xaotik häm katastrofik” dip bäyäläde. Reuter Bağdadta anarxiä xökem sörä, qorallı keşelär binalarnı maşinalarnı talıy dip xäbär itä. Ämma Aq Yort süzçese Ari Fleischer Ğiraqta kiñküläm humanitar krizis yuq dip belderde. Anıñ äytüençä, Ğiraqqa azıq-tölek häm kiräk yaraqlar cibärelä. Fleischer Ğiraqta azıq-tölek, su häm darular ayırım ber urınnarda ğına citeşmi ämma bu mäs’älälärne çişü belän inde şöğellänälär di. Aq yort süzçese qayber şähärlärdäge kiñlüläm talawlarğa qarşı da çaralar küreläçäk dide.
Bügen Peterburda Germaniä kanslerı Gerhard Schroeder häm Fransiä prezidentı Jackues Chirac belän oçraşuda Russiä prezidentı Vladimir Putin Mäskäw belän Berlin Ğiraqnı suğıştan soñ tözekländerü eşeneñ BMO qanatı astında baruın teli dip belderde. Putin Fransiä belän Germaniä BMOnıñ östenlegenä nigezlänüçe xalıqara xoquq sistemasınıñ totrıqlılığın saqlap qalu öçen barısın da eşlärgä tieş dide. Putin, Säddam xakimiäteneñ cimerelüen xuplasa da, anı köç belän bärep töşerü döres bulmadı dip äytte. Quşma Ştatlar isä suğıştan soñ Ğiraqnı tözekländerü eşen üze citäklärgä teläwen belderä.
Naif Aqmal, Praga.
Ğiraqnıñ tönyağındağı AQŞ köçläre şulay uq neft’ qoyıların häm Kirkuk şähäre hawa alanın saqlawğa kereşte. Tönyaqtağı neft’ çığaru üzäge bulğan Kirkuk AQŞ köçläre yardämendä kiçä körlär qulına küçkän ide. Kördlärneñ bu şähärlärne kontrol’gä aluı kürşe Törkiädä kördlär Ğiraqnıñ tönyağında üzläreneñ bäysez däwläten oyıştırırğa mömkim digäm borçılu uyata. Şulay da kördlär bu ike şähärne AQŞ köçläre kontrol’gä alğaç annan kitäçäklären belderde. Xäzer bu şähärlärdä dä Ğiraq başqalasındağı kebek talaw küreneşläre kiñ cäyelde. Kördestan Patriotik Berlege wäkile Bahram Salix bügen berlek citäkçese Cäläl Talabaninıñ färmanı belän tanıştırdı:
AUDİO: Talabani körd köçlärenä şähärdä qanun häm tärtip saqlarğa citärlek amerikan xärbiläre urnaşu belän ük annan kitärgä quştı.
Brooks äytüençä, xäzer koalitsiä köçläre bar iğtibarnı Bağdadtan 175 çaqrımlap tönyaqta urnaşqan, Säddamnıñ tuğan şähäre Tikritqa yünältä. Tikrit xäzer Ğiraq xakimiäteneñ soñğı nığıtması bulıp qaldı diärgä mömkin.
Bügen Xalıqara Qızıl Xaç Kommitetı Bağdadta talawlar, elektr utı häm su bulmaw säbäple sälamätlek saqlaw sisteması tulısınça diärlek cimerelde dip belderde. Komitet wäkile Pascal Jansen äytüençä Başqaladağı 32 xastaxanäneñ 3-sennän qala başqaları bötenläy eşlämi. Komitetnıñ başqa ber wäkile Bağdadtağı wäzğiätne “xaotik häm katastrofik” dip bäyäläde. Reuter Bağdadta anarxiä xökem sörä, qorallı keşelär binalarnı maşinalarnı talıy dip xäbär itä. Ämma Aq Yort süzçese Ari Fleischer Ğiraqta kiñküläm humanitar krizis yuq dip belderde. Anıñ äytüençä, Ğiraqqa azıq-tölek häm kiräk yaraqlar cibärelä. Fleischer Ğiraqta azıq-tölek, su häm darular ayırım ber urınnarda ğına citeşmi ämma bu mäs’älälärne çişü belän inde şöğellänälär di. Aq yort süzçese qayber şähärlärdäge kiñlüläm talawlarğa qarşı da çaralar küreläçäk dide.
Bügen Peterburda Germaniä kanslerı Gerhard Schroeder häm Fransiä prezidentı Jackues Chirac belän oçraşuda Russiä prezidentı Vladimir Putin Mäskäw belän Berlin Ğiraqnı suğıştan soñ tözekländerü eşeneñ BMO qanatı astında baruın teli dip belderde. Putin Fransiä belän Germaniä BMOnıñ östenlegenä nigezlänüçe xalıqara xoquq sistemasınıñ totrıqlılığın saqlap qalu öçen barısın da eşlärgä tieş dide. Putin, Säddam xakimiäteneñ cimerelüen xuplasa da, anı köç belän bärep töşerü döres bulmadı dip äytte. Quşma Ştatlar isä suğıştan soñ Ğiraqnı tözekländerü eşen üze citäklärgä teläwen belderä.
Naif Aqmal, Praga.