Bülengän Kaşmir provinsiäsenä yasağan säfäre waqıtında Hindstan premyer-ministrı Atal Behari Vajpaee, xalıqqa alğa taba yaxşıraq kiläçäk wağdä itte. Srinagarda cıyılğan 10 meñgä yaqın keşe aldında çığış yasap Vajpaee, köç qullanu –bu töbäktäge problemanı çişü yulı tügel, dide. Hindstan Pakstan häm Kaşmir suğışçıları belän söyläşülär başlarğa äzer. Kaşmir suğışçıları Vajpaeenıñ ike könlek säfärenä qarşılıq belderep uram cıyınnarı uzdırırğa çaqıru tarattı. Bügen şähärdä kibetlär häm eş urınnarı yabıq ide, böten cirne politsiä kontrol itte. Kaşmirda yäşäw şartların yaxşırtu turında Vajpaee ber süz dä äytmäde läkin Hindstan xökümäteneñ töbäktäge eşsezlek mäs’äläsendä nindi dä bulsa çaralar küräçägen wağdä itte.
