Accessibility links

Кайнар хәбәр

Mäskäw belän ayaq teräp söyläşü öçen yaña dälil – Çeçnya Konstitutsiäse


Pänceşämbedä Qazanda Tatarstannıñ Konstitutsion mäxkämäse utırışı uzdı. Bu yulı anda respublikanıñ xalıq deputatları möräcäğäte qaraldı. Eş şunda ki, Mäskäw basımı astında barğan täñgälläşterü säyäsäte yış qına beryaqlı xäräkät röxsät itelgän uramnı xäterlätä. Yäğni, prokurorlar fäqät Tatarstan Konstitutsiäseneñ maddälären Russiänekenä turı kilsen, dip taläp itälär. Tatarstan xalıq deputatları Konstitutsion mäxkämädän respublikanıñ töp zakonındağı prinsipial' maddälären täfsilläp birüen ütendelär. Biredä suverenitet, gracdanlıq, Tatarstan Prezidentınıñ ike däwlät telen dä belergä tieşlege kebek töşençälär turında zur söyläşü buldı. Ekspertlar mäsäläneñ formal' yağına tügel, mäğnäwi yağına basım yasadılar häm nigezdä respublika Konstitutsiäsen turaqlawnı kiräk häm döres dip tapmadılar.

Bu yulı Mäskäw belän ayaq teräp söyläşü öçen tağın ber sallı dälil kiterelde – Çeçnya Konstitutsiäse. Anı Tatarstannıñ töp qanunına ike tamçı su kebek oxşaş, dilär. Häm bu Mäskäwdä beräwneñ dä teşen sızlatmıy. Konstitutsion mäxkämäneñ qararı äle iğlan itelmäde.
XS
SM
MD
LG