Accessibility links

Кайнар хәбәр

Ğiraqnı Tözekländerü häm Humanitar Yardäm İdaräse başlığı Jay Garner Bağdadtağı wazğiätkä bäyä birde


Pensiädäge amerikan generalı Jay Garner suğıştan soñğı Ğiraq xakimiäten tözü eşen başlar öçen bügen Bağdadqa kilde. Äle säfäre başlanğançı uq Garner üzeneñ berençe maqsatı itep elektr utı häm su tä’minatın cayğa salunı atağan ide. Garner, Yarmuk xastaxanäsen häm elektrostansiäne ziärät qıldı. Tözekländerü häm Humanitar Yardäm İdaräse başlığı bulğan Garner Ğiraqta waqıtlı xökümät tözelü, iqtisadi häm humanitar mäs’älälär öçen cawaplı bulaçaq. Säfäre barışında da Garner maqsatın açıqlaw öçen bolarnı äytte. “Min ber närsä belän dä idarä itmim. Min yaña tör möhit qoru öçen yardäm itäçäk koalitsiä keşese. Yaña möhittä keşelär üz xökümätlären bezneñ yardäm belän üzläre töziäçäk, tözekländerü eşen başlıyaçaq, häm soñınnan bolar barısı da Ğiraq xalqı tarafınnan irekle saylanğan demokratiä belän tämamlanaçaq”, dide Garner. Bügen yözlägän Şiği möselmanı izge Karbala şähärenä xac qıldı, bu ğamäl Säddäm Hösäin çorında tıyılğan ide. Karbalağa cıyıluçılarnıñ qayberläre Ğiraqta amerikan ğaskärläreneñ qaluına qarşılıq belderde.
XS
SM
MD
LG