Bu qayğılı xäbär düşämbe könne Qazan cämäğätçelegenä dä kilep ireşte. Äxmät Timer 1912 yılda tuya, Älmät digän awılda. Mulla malayı bulğanğa kürä, mäktäptän quyıp çığarıla, belem ala almıy, ätiseneñ röxsäte belän yäşerten yullar belän Törkigä kitä. Häm annan soñ anıñ Tatarstanğa qaytqanı bulmıy. Äxmät Räşit ulı Yarullin Törkiädä häm soñınnan dönyada Äxmät Timer iseme belän tanıla, törkiçelekne öyränüçe ğalim bula. Böyek watan suğışı başlanğan waqıtta ul Germaniädä bula häm anda armiägä kitärgä mäcbür bula. Anda, İdel-Ural legionında, küpmeder waqıt, tärcemäçe bularaq xezmät itä. Rusiädä anı xalıq doşmanı itep iğlan itälär, häm şuña da ul, küp yıllar uzsa da, Tatarstanğa qayta almıy. Timer pärdä cimerelgännän soñ da, Äxmät bäyneñ küñelendä qurqu yäşi. Tuğan awılı, Älmätkä Äxmät Timerneñ qızı ğına qaytıp kilä, ätisenä xäzerge Älmätneñ fotosurätlären alıp qayta. Äxmät Timergä üzenä tuğan nigezen kürü nasip bulmıy. Qazanda, az bulsada, Äxmät Timerne belgän ğalimnär bar. Alarnıñ berse, Tarix İnstitutı xezmätkäre Färidä Ğaffarova Äxmät Timer turındağı istälekläre belän büleşte:
Audio: Bu, bezneñ öçen, qayğılı xäbär buldı. Äxmät Timer (Äxmät Räşit ulı Yarullin) belän min ber 4-5 tapqır oçraştım. Ul 92 yäştä bulsa da, bik ayıq fikerli ide, barısın da xäterli ide. Äbiseneñ häm babasınıñ 98 yäşkä citkänen iskä alıp, ul «minem äle 4-5 yıllıq ğömerem bar äle» diä ide. Anıñ bik bay arxivı bar, ul anı qızıma qaldıram digän ide, ä bit anda böten tatar xalqı tarixına qağılışlı mäğlümät tuplanğan. Anı Tatarstanğa qaytartırğa tırışırğa kiräk.
Tanılğan ğalim häm Äxmät Timerneñ cenazası, düşämbe könne, Ankarada ütte. Äxmät Timer yaqınnarınıñ häm tuğannarınıñ qayğısın Tatarstan xökümäte dä urtaqlaştı. Şul eçtäşlektäge telegramma düşämbe könne Ankarağa cibärelde.
Bikä Timerova, Qazan
Audio: Bu, bezneñ öçen, qayğılı xäbär buldı. Äxmät Timer (Äxmät Räşit ulı Yarullin) belän min ber 4-5 tapqır oçraştım. Ul 92 yäştä bulsa da, bik ayıq fikerli ide, barısın da xäterli ide. Äbiseneñ häm babasınıñ 98 yäşkä citkänen iskä alıp, ul «minem äle 4-5 yıllıq ğömerem bar äle» diä ide. Anıñ bik bay arxivı bar, ul anı qızıma qaldıram digän ide, ä bit anda böten tatar xalqı tarixına qağılışlı mäğlümät tuplanğan. Anı Tatarstanğa qaytartırğa tırışırğa kiräk.
Tanılğan ğalim häm Äxmät Timerneñ cenazası, düşämbe könne, Ankarada ütte. Äxmät Timer yaqınnarınıñ häm tuğannarınıñ qayğısın Tatarstan xökümäte dä urtaqlaştı. Şul eçtäşlektäge telegramma düşämbe könne Ankarağa cibärelde.
Bikä Timerova, Qazan
