Qıtayda SARS virusınnan tağın 9 keşe ülde, alarnıñ 7se-Pekinda. Qıtaynıñ sälämätlek saqlaw ministrlığı Qıtayda üpkä yalqınsınuınıñ yaña töre 109 keşeneñ ğömeren özde dip xäbär iteä. Pekin mäktäpläre irtägedän başlap maynıñ 7senä qadär yabıla.
Hong Kongta SARS çirennän bügen 6 keşe ülgän, ülüçelär sanı tulayım 105 keşegä citte. Dönya Sälämätlek Oyışması Pekinğa, Qıtaynıñ Şansi provinsiäsenä häm Kanadağa, Toronto şähärenä barudan tıyılırğa çaqırdı. Oyışma wäkile David Heymann bu çikläwlär kimendä 3 atna däwam itäçäk, dip belderde.
