Ğiraqtağı waqıtlı xakimiät başlığı Amerikan wäkile Jay Garner, Ğiraq ministrlıqlarınıñ kiläse atnada torğızıluına ömetlänüen belderde. Här ministrlıqqa eşçänlekne yañartıp cibärergä yardäm iter öçen ber küzätüçe bilgelänäçäk.
Ğiraq şiği möselmannarınıñ uzğan atnada Amerikağa qarşı çığışları –İran tä’sirendä bulğan digän borçıluğa qarata, Garnernıñ yardämçese Britaniä generalı Tim Cross-bu barı tik distä yıllarça däwam itkän Säddäm rejimınnan soñ, süz iregenä qaytu , bu… böten Ğiraq şiğiläreneñ İranda kebek İslam däwläten tözü telägen añlatmıy, dip belderde.
Üzen Bağdad şähäre başlığı dip iğlan itkän Möhammäd Möhsän äl-Zubaidi, bügen xastaxanälär häm su sistemaların tikşerep çıqtı, üze bilgelägän yardämçeläre belän oçraştı. Zubaidi, amerikan räsmiläre tarafınnan Bağdad merı bularaq tanılmağan, häm Garner belän äle oçraşmağan.
Bügen Säddäm rejimınıñ tağın 4 yuğarı wäkile qulğa alınğan. Amerika Quşma Ştatları ğaskärläre isemlektä bulğan 55 keşeneñ 11en qulğa aldı.
