“Rusiä xalıqları telläre turında”ğı qanunnıñ da Başqortostan, Çuwaşstan häm Tatarstan öçen dä ber itep qaldırırğa da köç quyarğa turı kilä xalıq deputatlarına. Pänceşämbe könne Qazanğa 17 aprel'dä Rusiä Federatsiäse “Däwlät tele turında”ğı federal' qanun buyınça Federatsiä Şurasınıñ kileşterü komissiäse utırışı buluı turında xäbär kilep ireşte. Räsmi xäbärdän ber özek. Federatsiä Şurasınıñ küpçelek äğzaları pozitsiäsen iskä alıp, Kileşterü komissiäse dokumentnı yañadan eşlärgä digän fikergä kilgän. Zakonnıñ bäxäsle nigezlämälärenä qarata İrina Laroçkina tözätmäläre isäpkä alınğan”, dielä xäbärdä. Älege “Rusiä xalıqları telläre turında”ğı qanun turında süz soñğı waqıtta şundıy küp buldı ki, Tatarstan parlamentı wäkile tözätmäläre isäpkä alınğan digän xäbär işetelgäç, berençe reaksiä – ällä şul latinğa küçüne tıyğan tözätmälär üzgärteläme ikän xodayım, digän faraz kilde başqa. Däwlät Şurası komissiäse räise Razil Wäliev “Azatlıq” radiosın tıñlawçıları öçen kommentariy yasadı.
AUDİO. Razil Wäliev süz “RF däwlät tele turında”ğı qanunğa tözätmälär turında bara, dip añlata. Älege qanun Rusiä töbäklärendä, milli respublikalarda ike däwlät tele qullanışta buluın isäpkä alırğa tieş, digän tözätmä kertkännär Tatarstan xalıq deputatları. Häm Federatsiä Şurası monıñ belän kileşkän.
