Amerika Quşma Ştatları, Tonyaq Korea häm Qıtay wäkilläre qatnaşında Tönyaqnıñ atom programması turındağı 3 könlek söyläşülär tämamlandı. 3 taraf ta, bu berençe oçraşu-yaxşı başlanğıç buldı, dip belderde. Tönyaq Korea Amerika Quşma Ştatlarğa yaña täqdim yasağan. Amerikan häm Tönyaq Korea wäkilläre Qıtay tışqı eşlär ministrı Li Zhaixing belän ayırım oçraşu uzdırğan.
Raslanmağan çığanaqlardan bilgele bulğança, Pxenyan räsmiläre Amerika Quşma Ştatlarğa, Tönyaq Koreada atom töş qoral bar, dip äytkän. 6 aydan birle Tönyaqnıñ atom programması tiräsendäge kierenkelekne çişü maqsatı belän uzğan berençe oçraşu turında tulıraq mäğlümat sezne aldaraq kötä, xörmätle tıñlawçılar.
