Kuala Lumpur. SARS digän isem astında tanılğan yaña tör üpkä yalqınsınuwın taratuğa çik quyu maqsatında Aziä illäreneñ sälämätlek saqlaw ministrları, hawa alannarı häm diñgez portlarında säyäxätkä çığuçı yulçılarnı aldan uq tikşerüne yaqlap çıqtı. Bu xaqta bügen Malayziä başqalasında qabul itelgän belderüdä äytelä. Ministrlarnıñ ike kön barğan oçraşuwınnan soñ Malayziäneñ sälämätlek saqlaw ministrı Chua Jui Meng mondıy tikşerülär, Kuala Lumpur qararı nigezendä töbäktäge bar illär tarafınnan da mäcbüri räweştä başqarılırğa tieş dip belderde. Şuşı oçraşuda Qıtay, Hong Kong, Könyaq Koreä, Yaponiä, häm Könyaq-könçığış Aziädäge tağın 10 ilneñ ministrları qatnaştı. Anda şulay uq Xalıqara sälämätlek oyışması wäkilläre dä bar ide. Qıtayda bügenge köndä 2700-dän artıq SARS oçrağı terkälde, 122 keşe inde şul yalqınsınudan ülde.
