Accessibility links

Кайнар хәбәр

Gretsiäneñ Rhodos utrawında Yevropa Berlegeneñ tışqı eşlär ministrları oçraşa


Yevropa Berlegeneñ tışqı eşlär ministrları bügen Gretsiäneñ Rhodos utrawında oçraşıp Berlekneñ berdäm tışqı säyäsäte turında fiker alışa. Köntärtibendäge iñ möhim mäs’älälärneñ berse-Fransiä, Germaniä, Belgiä häm Luxembour tarafınnan täqdim itelgän plan turında. Yevropada tiz xäräkät itüçän xärbi köçlär buldıru täqdimen Yevropadağı qayber illär, ayırım alğanda Britaniä, İspaniä häm İtaliä, monnan tış Amerika Quşma Ştatları, NATOnı qaqşatu tırışlığı bularaq qabul itep kisken täñqitlägän ide. Ministrlar şulay uq İsrael-Fälestin nizağı häm suğıştan soñğı Ğiraq turında da fiker alışaçaq. İke könlek cıyında 15 äğza däwlät wäkillärennän tış 10 yaña namzät-illärneñ dä tışqı eşlär ministrları qatnaşa. Bolğarstan, Rumıniä häm Törkiä wäkilläre irtägä bulaçaq utırışlarğa kilä.
XS
SM
MD
LG