Premyer-ministr Mixail Kasyanov Rusiädä SARS çireneñ taraluın buldırmas öçen aşığıç çaralar kürü turında belgeçlär belän söyläşülär uzdırdı. Rusiädä üpkä yalqınsınuınıñ yaña töre belän awıruçı 20 keşe terkälgän. Ülüçelär yuq.
Dönya buylap isä SARStan ülüçelär sanı 500ne aştı. Dönya Sälämätlek Oyışması, kiräge çıqmasa Qıtay häm Taiwanğa barmasqa çaqıra. Qıtaynıñ biznes üzäge bulğan Şanxayda bügen SARStan berençe keşe ülde. İnde 6 ay pnevmoniäneñ bu yaña töre dönya buylap tarala. Virus-awırularnıñ urtaça 15%tınıñ ğömeren özä. 65 yäştäk olıraq bulğan awırularnıñ isä yartısı ülä. Başta SARStan ülüçelär sanı 6-10% dip xäbär itelgän ide.
