Amerika Quşma Ştatları üz iğtibarın Yaqın Könçığışqa yünältä. Amerikan prezidentı George Bush bügen kiçen şul xaqta çığış yasıy, däwlät sekretare Colin Powell İsraelgä bara. Qazan waqıtı belän kiçke 11dä yasıyaçaq çığışında Bush 10 yıl eçendä Yaqın Könçığışnı irekle säwdä zonası itü planın açıqlıyaçaq dip kötelä. Powell Yerusalim’da İsrael xökümäte başlığı Ariel Şaron häm Ramallah’da Fälestin premyer-ministrı Mähmüd Abbas belän oçraşaçaq.
Töbäkneñ üzendä isä köç qullanu tuqtalmıy. Gaza sızığınnan atılğan 6 raketa İsraelneñ könyağında Sderot şähärendä töşep 10 yäşlek qıznıñ yaralanuına säbäp buldı. Gaza sızığınıñ könyağında fälestin initixar terrorçısı şartlatqıç tulı maşinası belän İsrael tankına kilep bärelde.
