Accessibility links

Кайнар хәбәр

Şiği möselman ruxanie 23 yıldan soñ Ğiraqqa qayta


Ğiraqta İslam Revolyutsiäse Yuğarı Şurası, yulbaşçıları Ayatolla Mohammäd Baqer Hakim’neñ 23 yıl İranda yäşägännän soñ Ğiraqqa qaytuı turında belderde. Şiği möselmannarı ruxanie irtägä irtän Basra şähärenä kiläçäk. Bügen comğa wağäzendä Hakim soñğı tapqır İran cirendä çığış yasawın bilgeläp, Ğiraqnıñ kiläçäge-İslam däwläte, dip belderde. Hakimneñ urınbasarı häm bertuğan qardäşe Abdul Aziz Ğiraqqa inde uzğan ayda qayttı. İrannıñ üzendä 12 keşelek Saqçılar Şurası prezident Mohammäd Xataminıñ wäkälätlären arttıru turındağı qanun ölgesen kire qaqtı. Parlament äzerlägän älege proekt qabul itelgän xäldä-konservativ şuranıñ matbuğat basmaların yabu häm studentlarnı qulğa alu kebek qararların yañadan qarap çığarğa mömkinlek birer ide. Saqçılar şurası, qanun ölgese Konstitutsiägä qarşı kilä dip anı kire parlamentqa cibärde.
XS
SM
MD
LG