Fransiä, Polşa häm Germaniä citäkçeläre bügen Polşanıñ Wroclaw şähärendä oçraştı. “Weimar öçlege” dip atalğan oyışma äğzaläre soñğı yıllarda yaqın xezmättäşlektä tordı. Läkin Polşanıñ Ğiraq suğışın yaqlawı arqasında mönäsäbätlär suınğan ide. Polşa Ğiraq suğışına üzeneñ 200 xärbien cibärde häm suğıştan soñ Ğiraqta tärtip saqlaw köçlärenä dä üz ğaskärlären kertergä cıyına. Germaniä kanslerı Gerhard Şröder, Fransiä häm Polşa prezidentları Jacque Chirac häm Aleksandr Kwasniewski, fiker ayırmalıqlarına qaramastan bügen cıyılıp urtaq säyäsät häm xezmättäşlek turında fiker alışırğa qarar itkän.
